Kundërshtoi me dhunë policin, procedohet penalisht 45-vjeçari në Vlorë

Pas konstatimit të një shkeljeje të Kodit Rrugor në qytetin e Vlorës nga një 45-vjeçar, në vendin e quajtur “Rrethi i Çolës”, punonjësi i Policisë së Qarkullimit Rrugor e ka njohur drejtuesin, shtetasin L. Sh., me shkeljen e kryer nga ana e tij.

Sipas njoftimeve, punonjësi i policisë është hasur fillimisht me kundërshtim me fjalë dhe më pas me kundërshtim me veprime të dhunshme nga shtetas L. Sh.  Në këto kushte, është bërë menjëherë shoqërimi i tij në ambientet e Komisariatit të Policisë Vlorë, për veprime të mëtejshme.

Ndërkohë, gjatë kontrollit të ushtruar, iu gjet dhe iu sekuestrua një sasi lënde narkotike kanabis dhe një mjet prerës, thikë.

Në përfundim të veprimeve proceduriale, nga Oficeri i Policisë Gjyqësore i Prokurorisë, nisi procedimi penal në ngarkim të shtetasit L. Sh., 45 vjeç, banues në Vlorë, për veprat penale “Kundërshtim i punonjësit të policisë”, “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.

LEXONI GJTIHASHTU:

• Dinamika nga Oroshi, pse u ngujuan dy të rinjtë në banesë dhe si u vetëdorëzuan
• Rrethimi në Orosh, dy personat e armatosur vetëdorëzohen te policia