Kurti thirrje Serbisë të distancohet nga sulmet ndaj policisë së Kosovës

Kryeministri i Kosovës, Albin Kurti i ka bërë thirrje Serbisë që të distancohet nga sulmet ndaj policisë, të cilat ai i konsideroi si të dhunshme dhe terroriste.

Përmes një postimi në rrjetet sociale, Kurti u shpreh se burimet kanë identifikuar se sulmi i kryer ditën e djeshme ka ardhur nga Serbia.

Sipas tij, këto sulme nuk do ta pengojnë Kosovën nga lufta për të mbrojtur shtetin ligjor kundër krimit të organizuar dhe korrupsionit.

“Për tri ditë me radhë (13–15 prill) policët e Kosovës janë sulmuar në pikën kufitare me Serbinë. Dje dhe sot herët, një breshër plumbash dhe një granatë dore u hodhën drejt policisë sonë. Burimet tona kanë identifikuar sulmin e djeshëm si të ardhur nga Serbia.

Kjo as nuk do të na pengojë dhe as nuk do të na pengojë nga lufta jonë për të mbrojtur shtetin ligjor kundër krimit të organizuar dhe korrupsionit në të gjithë territorin e Republikës sonë. I bëj thirrje Serbisë që të dënojë dhe distancohet nga sulmet e dhunshme terroriste ndaj policisë sonë, disa prej të cilëve ishin serbë të Kosovës”, shkruan Kurti në rrjetin social, Twitter.

For three days in a row (April 13–15), Kosova Police officers have been attacked at the border crossing point with Serbia. Yesterday & early today, a hail of bullets & a hand grenade were thrown at our police. Our sources have identified yesterday’s attack as coming from Serbia. pic.twitter.com/2msSq7e2yJ

— Albin Kurti (@albinkurti) April 15, 2022

Mëngjesin e sotëm rreth orës 07:40, punonjës të policisë së Kosovës u sulmuan me granatë dore dhe kallash, në momentin kur ishin duke realizuar ndërrimin në pikat kufitare.

Ministri i Punëve të Brendshme Xhelal Sveçla, bëri me dije gjatë një konference për mediat, se ky është sulmi i katërt në pak ditë ndaj Policisë së Kosovës.

LEXONI GJITHASHTU

• FOTO | Pamje nga sulmi me granata në veri të Kosovës

• Krimi i organizuar sulmoi policinë e Kosovës, thotë Haradinaj
• Sulmohet me granatë dore dhe kallash policia në veri të Kosovës
• Sveçla: Qëllimi i Serbisë është ta destabilizojë Kosovën