Kush është iraniani që planifikoi sulm terrorist, sot seanca në SPAK

Bijan Poladrag, iraniani i dyshuar për terrorizëm, ka seancën e radhës sot ku prokurori i SPAK, Vladimir Mara pritet të paraqesë pretencën ndaj tij.

Seanca pritet të zhvillohet në orën 12:00, në Gjykatën e Posaçme.

Planifikimi për sulm terrorist:

Gazetari Eni Ferhati raportoi nga SPAK se iraniani ka dy vite që është ndaluar nga autoritetet shqiptare mbi dyshimet për terrorizëm.

Poladrag dyshohet se mblidhte informacion ndaj anëtareve të MEK, kjo e faktuar nga materiale e foto që i janë gjetur në celular, të cilat i disponojnë autoritetet.

Rezulton që ky shtetas iranian ka qenë pjesë e anëtarëve të muxhahedinëve dhe ka qenë banor i kampit në Manëz.

Ai vepronte si i infiltruar mes muxhahedinëve të strehuar në Shqipëri dhe ndërkohë planifikonte sulmin terrorist.

LEXONI GJITHASHTU:

• “Njerëzit kanë frikë”, rusët ikin në Kazakistan pas thirrjes së Putin për mobilizim
• Dyshohet se spiunonte muxhahedinët, autoritetet shqiptare shpallin të padëshiruar iranianin
• Shqipëria përballë konfliktit, 3 mijë muxhahedinë iranianë janë të strehuar në vendin tonë