Kushi: Jo në auditorë të pavaksinuar, ose test. Ndalimi? E zgjidhin Universitetet

Ministrja e Arsimit, Evis Kushi deklaroi për Euronews Albania se viti i ri akademik do të fillojë me prezencë fizike në auditorë, por vetëm për studentët dhe pedagogët që janë të vaksinuar.

Ministrja theksoi se në auditorë mund të futen edhe studentët që paraqesin një test negativ PCR, njëherë në 2 ose 3 ditë.

“Testi periodik i PCR-së, imagjinoi që çdo dy tre ditë të bëni testin. Ta paraqesin testin në mënyrë periodike, çdo dy ditë apo tre ditë, siç e vendos Komiteti i Ekspertëve”, deklaroi ministrja.

Ministrja theksoi se nuk ka një vendim nga Ministria e Arsimit për vaksinimin e studentëve, pasi këto janë vendime që merren nga Komiteti i Ekspertëve.

Sa i përket ndalimin të studentëve të pavaksinuar për t’u futur në auditorë, ajo tha se do të vendosen rregullore dhe praktika nga universitetet për këtë proces.

LEXONI GJITHASHTU:

• Ministrja Kushi: Në shkollat me turne ora mësimore zgjat 30 minuta
• Ministrja e Arsimit: 1300 nxënës më pak në klasat e para
• Luan Baçi: Berisha jashtë grupit parlamentar të vendosej nga forumet