Kuvendi shtyn për në shtator raportimin e institucioneve të pavarura

Kuvendi i Shqipërisë ka vendosur të shtyjë për legjislaturën e re në muajin shtator zhvillimin e raportimeve të institucioneve të pavarura, të cilat fillimisht ishin planifikuar të zhvilloheshin në fund të muajit qershor.

Vendimi është marrë nga mazhoranca për shkak të mungesave të shumta të deputetëve në fund të kësaj legjislature.

Gjatë mbledhjes së kësaj jave të grupit parlamentar të Partisë Socialiste, kryetari i grupit, Niko Peleshi, ngriti si shqetësim kryesor pikërisht mungesat e vazhdueshme të deputetëve. Ai theksoi se kjo situatë po pengon miratimin e projektligjeve dhe funksionimin normal të procesit legjislativ.

“Nuk kemi numrat e nevojshëm, as në komisione, as në seanca plenare,” është shprehur Peleshi para deputetëve socialistë, duke treguar edhe një rast konkret të një deputeti që është larguar drejt Shteteve të Bashkuara të Amerikës dhe i ka komunikuar se “të mos e llogarisë” deri në fund të mandatit aktual.

LEXONI GJITHASHTU:

• Nis me debate seanca plenare në Kuvend, Bardhi përplaset me Spiropalin
• Tensione në parlament, Elisa Spiropali përjashton Flamur Nokën nga seanca