Një incident është shënuar gjatë seancës plenare të së enjtes në Kuvend, ku kryetarja Elisa Spiropali përjashtoi nga punimet deputetin e Partisë Demokratike, Flamur Noka.

Përplasja ndodhi teksa Noka po fliste nga foltorja, ndërsa Spiropali i ndërpreu fjalën duke i thënë se nuk po fliste për procedurë.

Pavarësisht ndërhyrjes së kryetares, Noka kërkoi të vijonte fjalën.

Në këtë moment, teksa mikrofoni ishte i fikur, ai duket sikur artikulon një fyerje në drejtim të kryetares së Kuvendit, çka solli përjashtimin e menjëhershëm të tij nga seanca.

“Nuk toleroj as fyerje, as abuzim me foltoren. Je i përjashtuar!”, i tha Spiropali-Nokës.

Noka refuzoi të largohej nga foltorja, duke detyruar Spiropalin të ndërpresë seancën dhe të shpallë një pushim 5-minutësh.

LEXONI GJITHASHTU:

• Debat i ashpër Noka-Balla në Kuvend: Akuza për manipulimin e votave dhe GPS në zarfa
• Noka dhe Bardhi përplasen me Spiropalin: Seanca pa kuorum, po shkel rregulloren