Lajçak takon Vuçiç në Beograd, presidenti serb tregon çfarë diskutuan

Presidenti serb Aleksander Vuçiç u takua sot me të dërguarin e BE Miroslav Lajçak ku gjata takimit është shprehur se është i shqetesuar për veriun e Kosovës.

Përfaqësuesi i posaçëm i Bashkimit Evropian për dialogun mes Prishtinës dhe Beogradit, Miroslav Lajçak, është takuar sot me presidentin e Serbisë, Aleksandër Vuçiç.

Pas bisedimeve presidenti Serb u shpreh se i ka përcjellë diplomatit shqetësimin e tij për situatën në Kosovë, “veçanërisht në veri”.

“I thashë ndërmjetësuesit evropian se shqetësimi im buron nga nevoja e kryeministrit të Kosovës Albin Kurtit për të provokuar incidente dhe konflikte”, tha Vuçiç.

Presidenti serb në një postim në Instagram tha se fokusi i takimit ishte formimi i Asociacionit të komunave me shumicë serbe, “që është parakusht që Serbia t’i vazhdojë bisedimet e me Prishtinën”.

Miroslav Lajçak,  një ditë më parë ishte në Prishtinë ku u takua me KURTIN, por vizitoi edhe Mitrovicën e Veriut.

Lajçak tha se qëllimi i vizitës së tij në veri është që të marrë ” informacionin e dorës së parë nga njerëzit që jetojnë aty e për të parë se si e shohin situatën ata”.

Diplomati vizi toi te dyja vendet  për të monitoruar zbatimin e asaj që është vendosur dhe rënë dakord në Bruksel dhe për të përgatitur hapat dhe takimet e ardhshme mes Kosovës dhe Serbisë.

Në 15 maj, Lajçak do të takohet në kryeqytetin belg me dy kryenegociatorët, Besnik Bislimin dhe Petar Petkovicin.

LEXONI GJITHASHTU:

• Dëshmitari i katërt në Hagë, çfarë pritet të ndodhë me ish-krerët e UÇK
• Serbia nuk i përulet sanksioneve, i dërguari i BE takon Vuçiç