Lamine Yamal feston 17-vjetorin e lindjes, ylli spanjoll kërkon trofeun si dhuratë

Ylli i Spanjës, Lamine Yamal feston sot 17-vjetorin e lindjes, teksa ditën e nesërme do të luajë me Kombëtaren e vendit të tij në finalen e Euro 2024 përballë Anglisë.

Këtë ditë të veçantë ai ka zgjedhur ta festojë me shokët e skuadrës së Kombëtares, teksa ka marrë urime të shumta nga të gjithë.

Ai ka thyer shumë rekorde gjatë këtij turneu dhe do të mbahet mend gjatë për supergolin e shënuar kundër Francës në gjysmëfinalen e Euro 2024.

Iberikët do të kërkojnë trofeun dhe janë favoritë në përballjen me Anglinë në finalen e Europianit.

Nëse ata do të arrijnë ta fitojnë atë, kjo do të jetë dhurata më e bukur për talentin Jamal.

LEXONI GJITHASHTU:

• Lamine Yamal shpresa e futbollit spanjoll
• Kush janë golashënuesit më të mirë të Euro 2024