Gazetari Lavdrim Lita tha në një intervistë për Euronews Albania se në gjykimin e tij Ilir Meta është ministri i Jashtëm i Berishës.
“Në fakt në këtë lojë, Berisha ka një as nën mëngë që ishte ministri i tij i Jashtëm. Për mendimin tim është Ilir Meta. Ministri i Jashtëm i Sali Berishës që komunikon me amerikanët me mesazhe të nënkuptuara apo merr mesazhe të nënkuptuara, ai i merr përmes Ilir Metës dhe takimi me Escobar-in i zotit Meta nuk do të jetë më shumë për zotin Meta sesa për zotin Berisha,” – u shpreh Lita.
Sipas tij konflikti dhe reputacioni i SHBA-së në Shqipëri ka kaluar në një nivel tjetër.
Gazetari shtoi se edhe nëse nuk fitojnë në këto zgjedhje, argumenti i Berishës do të jetë “i kishim të gjithë kundër”, referuar këtu ndër të tjera, marrëdhënieve me Amerikën.
LEXONI GJITHASHTU:
- Shpërthimi në mjetin e Ndrecës, Berisha: Policia në Vaun e Dejës, si seksion i PS
- “Të vrasim djalin” Si u kërcënua me armë në kokë administratori për tenderin 1 mln €