Lavrov pretendon se Ukraina po kërkon armë bërthamore

Ministri i Jashtëm rus, Sergei Lavrov gjatë një video-konference në Gjenevë mbi çarmatimin, u shpreh se Kievi ka kërkuar të sigurojë armë bërthamore, duke e cilësuar një rrezik që duhet të parandalohet.

Diplomati i lartë rus kërkoi që armët bërthamore amerikane që ndodhen në Evropë të kthehen në SHBA. Fjalimi i Lavrov u bojkotua në mënyrë demonstrative nga shumica e vendeve pjesëmarrëse.

“Është shumë e rëndësishme që të përmbahen nga veprimet e rrezikshme, të cilat mund të kuptohen si shkelje e parimit të sigurisë së barabartë. Armët bërthamore amerikane duhet të kthehen në shtëpi dhe infrastruktura përkatëse në Evropë duhet të shkatërrohet”. Duke zgjedhur rrugën e sanksioneve të njëanshme, të paligjshme, Bashkimi Evropian po përpiqet të shmangë një dialog të sinqertë,  kontakte të drejtpërdrejta që synojnë gjetjen e zgjidhjeve politike për çështjet urgjente ndërkombëtare”, tha Lavrov.

LEXONI GJITHASHTU:

• Bjellorusia voton pro lejimit të armëve bërthamore në territorin e saj
• Rusia përmend armët bërthamore për të ushtruar presion, thotë ministri ukrainas