Lehtësime për lëvizje të qytetarëve në RMV, ka trend pozitiv të të shëruarve

Qeveria e Maqedonisë së Veriut vendosi që të shkurtoj orën policore e cila deri më sot ishte nga ora 16:00. Me kërkesë të Komisioni për sëmundje infektive, ora policore gjatë ditëve të punës do të fillojë nga ora 19:00 dhe do të përfundojë në orën pesë të mëngjesit të ditës së ardhshme, ndërsa gjatë fundjavës do fillojë nga ora 15:00 të shtunën dhe do të vazhdojë deri të hënën në pesë të mëngjesit.

Përveç kësaj, Qeveria vendosi si masë preventive edhe vendosjen e maskave dhe dorëzave të detyrueshme në territorin e të gjithë shtetit, për qytetarët që frekuentojnë tregje dhe vende të mbyllura.

Ndalohet edhe tubimi i më shumë se dy personave në hapësira publike.

Pas paraqitjes së virusit Korona në Maqedoninë e Veriut, masa e parë më drastike ishte ora policore prej orës 21:00 dhe karantina e plotë gjatë fundjavës. Tek pas fillimit të majit priten lehtësime shtesë për lëvizjen e qytetarëve.

Deri më tani në RMV janë shëruar 272 persona, ndërsa të infektuar momental janë 977.