Logu: Reforma në drejtësi miliona euro, perceptimi i qytetarëve mbetet i njëjtë

Avokati i Partisë Demokratike, Marash Logu tha në një intervistë për Euronews Albania se reforma në drejtësi ka kushtuar miliona euro e pavarësisht kësaj, perceptimi i qytetarëve mbetet i njëjtë.

Sipas Logut, qytetarët nuk kanë besim te sistemi i drejtësisë dhe për këtë arsye nuk i besojnë çështjet e tyre te gjyqtarë e prokurorë që pavarësisht investimit vazhdojnë të jenë të korruptuar, të lidhur me krimin ose të paaftë.

“Unë besoj që ju bëni sondazhe vazhdimisht dhe mund ta keni kuptuar se cili është sot, 7 vite pas miratimit të reformës në drejtësi, perceptimi i qytetarëve për sistemin e drejtësisë. Sot qytetarët nuk mendojnë se ka më pak gjyqtarë apo prokurorë, të korruptuar, të paaftë ose të lidhur me krimin, nuk mendojnë që drejtësia është më cilësore, është me shpejtë, i zgjidh hallet dhe problemet e tyre, pra ka shumë njerëz që refuzojnë në fakt t’i drejtohen gjykatave sepse kanë humbur besimin që mund t’i zgjidhin çështjet e tyre,” – u shpreh Logu.

Ndër të tjera ai shtoi se Gjykata Kushtetuese nuk mund të mbahet peng nga disa individë.

LEXONI GJITHASHTU:

• Rama flet për Berishën dhe Metën: Drejtësia do të veprojë me patjetër
• Gërdeci| Shtyhet seanca ndaj Mediut, Zamira Durda: Dua drejtësi për fëmijën tim