Man City ngjitet në krye, java III e Premier League, Liverpool fiton ndaj Newcastle

Shefild United ishte pengesa e radhës e kaluar me sukses nga skuadra e Pep Guardiolës, e cila triumfoi në shifrat 1-2. Manchester City është ngjitur në vendin e parë në tabelën e klasifikimit, ndërsa është e vetmja skuadër që ka 3 fitore. Përballja e së dielës rezultoi e suksesshme për the cityzens, të cilët shpërdoruan 1 penallti në pjesën e parë, me atë që do të shënonte në fraksionin e dytë, Haaland.

Rodri do të vuloste fitoren 1-2. Liverpooli ka përmbysur Newcastlen në transfertë, me vendësit të cilët kaluan në avantazh me Gordon në fraksionin e parë të lojës. Edhe pse me 10 lojtarë, të kuqtë ia dolën të kthejnë rezultatin në favorin e tyre, me një dygolësh të uruguaianit Nunez.

Edhe Aston Villa ka marrë fitoren e radhës në Premier League, duke zhytur Burnleyn në zonën e ftohtë. Të besuarit e Unai Emery fituan në shifrat 1-3, me dygolësh e Cash dhe Diaby, në anën tjetër realizoi Foster. Aktualisht kampionati udhëhiqet nga Manchester City, e më pas në radhë West Ham, Tottenham, Liverpool e Arsenal.

LEXONI GJITHASHTU:

• Man City fiton Kupën, mposhti në finale Man United me rezultatin 2-1
• Man City nuk e realizon dot ‘hakmarrjen’ ndaj Realit, Haaland totalisht në hije