Manastirliu interpelancë për PISA-n, Xhixho: I kthyet mësuesit në burokratë letrash

Ministrja e Arsimit Ogerta Manastirliu i është përgjigjur interpelancës për rezultatet e PISA e kërkuar nga deputetja Erisa Xhixho. Deputetja e PL e cilësoi skandaloze gjendjen e sotme të shkollave në vend që sic tha janë lënë në duart e njerëzve të drogës.

“Përcjell këtu shqetësimin e mijërave prindërve që nuk kanë besim te shkolla. Është skandaloze si abuzohet me besimin e prindërve që përditë u flitet në TV për paketën në shkolla. Në 2021 na futet pedofilët në shkolla, me skandalin në Berat dhe drejtorin e  Lushnjës. Tani shkollës ia besojmë njerëzve të drogës. Ne atëherë propozuam regjistrin e abuzuesve seksualë, sot nuk është funksional, duke lënë të pambrojtur fëmijët tanë. Qershia mbi tortë, ku profesori i artit shpërndante drogë, është alarmant. Asnjë masë ndëshkuese, ku në një vend evropian dorëheqja juaj duhet të ishte akti më normal. Sot mësuesit janë kthyer në burokratë letrash. Sukseset reale i treguan shumë qartë rezultatet e PISA-s”, tha Xhixho.

“Të mos harrojmë që Shqipëria u prek nga tërmeti në 2019 që shkaktoi dëme të mëdha në disa shkolla dhe 50 për qind e nxënësve që morën pjesë në Pisa vijnë pikërisht nga këto zona të prekura. Në uljen e performancës ndikoi edhe pandemia, duke dhënë rezultatet për të gjitha vendet. Pisa është pasqyruese momentale, ndaj ne reaguam menjëherë përmes masave konkrete”, u përgjigj ministrja e Arsimit.

LEXONI GJITHASHTU:

• Rezultatet e PISA, Manastirliu: Ndikuan tërmeti dhe pandemia. Po marrim masa…
• Pse shkoi Manastirliu në SPAK? Gazetari zbulon dosjen e “nxehtë”