Maqedonia e Veriut heq orën policore, lejon dasmat pa asnjë kufizim

Qeveria e Maqedonisë së Veriut ka miratuar propozimet e Komisionit për sëmundje ngjitëse dhe Shtabit të krizës për lehtësime të reja të kufizimeve që ishin vendosur për shkak të COVID-19.

Prej nesër, 16 qershor, do të hiqet tërësisht ora policore, do të lejohet organizmi i dasmave pa kufizimin e numrit të dasmorëve që tani është i kufizuar në 100 persona, të gjitha ngjarjet e tjera që do të organizohen në ambient të hapur, do të mund të organizohen me kapacitet deri në 1000 persona dhe me shfrytëzim të hapësirës deri në 50 për qind.

Këto lehtësime erdhën pas rënies së dukshëm të shifrave të personave të infektuar por edhe të vdekur gjatë javëve të fundit. sot në Maqedoninë e Veriut ka pasur vetëm 29 të infektuar në total dhe vetëm një të vdekur.

Aktualisht në të gjithë vendin RMV numëron 420 raste aktive me COVID-19 ndërsa prej fillimit të pandemisë kanë humbur jetën 5 472 persona.