Liderët e partive politike në Maqedoninë e Veriut kanë marrë vendim unanim për të shtyrë zgjedhjet e parakohshme parlamentare që ishin parashikuar të mbaheshin në 12 prill.
- Advertisement -
Por mbetet ende e paqartë nëse do të rithirret Kuvendi i shpërndarë, apo vendi do të vijojë të mbetet pa Kuvend.
Lideri i opozitës, ka kundërshtuar idenë për të thirrur Kuvendin, duke kërkuar që ekspertët juridikë të gjejnë zgjidhje tjetër me Presidentin.
Ndërkohë, kreu i LSDM, Zoran Zaev u shpreh se tashmë Presidenti dhe ekspertët do të duhet të gjejnë zgjidhje për anulimin e zgjedhjeve.
“Sot i dhamë të drejtë Presidentit të Shtetit për thirrjen e ekspertëve dhe gjetjen e formulës juridike për anulimin e zgjedhjeve deri sa të qetësohet situata”, ka deklaruar z. Zaev.
