Mbi 1 mijë vdekje të parakohshme në vit nga ajri ndotur në RMV, sipas studimit të Bankës Botërore

Në dimër, kryeqyteti i Maqedonisë së Veriut, kthehet në një prej qyteteve më ndotjen më të lartë të ajrit në Europë.

Sipas parashikimeve nga studimi i Bankës Botërore, rreth 1 mijë persona vdesin në vit si pasojë e ajrit të ndotur në RMV, në një vend ku popullsia totale është vetëm 2 milionë banorë.

Rrjeti Shëndetësor i Europës Jug Lindore është një organizatë rajonale me seli në Shkup e cila promovon shëndetin dhe mirëqenien në mesin e vendeve anëtare.

Drejtorja e organizatës, Mira Jovanovski Dashic, thotë se raporti i përpiluar nga ekspertët e këtyre vendeve tregon se “është shumë e qartë që dëmi prej ajrit të ndotur ndaj shëndetit është i jashtëzakonshëm ndërsa pasojat mund të vërehen tek sëmundjet kardiake, alergjitë dhe forma të ndryshme të kancerit”.

"Particulate air pollution in Skopje is responsible for 1,300 premature deaths per year, so we can’t further deny the interconnectedness of economy, environment and health", says Narine Sahakyan, @UNDPMK Resident Representative.#WorldHealthDay @WHO_Europe pic.twitter.com/4Je5SjyJQ9

— WHO North Macedonia (@WHOMKD) April 29, 2021

Hetimet kanë zbuluar se disa prej konsumatorëve më të mëdhenj të energjisë përdorin lëndë djegëse që janë të ndaluara nga BE, por teksa Maqedonia e Veriut i ka sytë për t’u bërë anëtare e unionit ka përshtatur pjesën më të madhe të legjislacionit të vendit për t’iu përafruar normave të BE.

Ministri i Mjedisit, Naser Nuredini, na tregon se tashmë vendit i mbetet vetëm të implementojë ligjet. “Ne duhet të punojmë në fronte  të ndryshme prandaj na duhet bashkëpunim ndër-sektorial më i mirë”.

Nuredini thotë se Ministria e Mjedisit ka propozuar ligje të reja, por sipas tij, miratimi i tyre në parlament nuk mjafton. Ai mendon se duhet të kryhet një punë e përbashkët me inspektorë, ministri e agjenci të tjera për t’i implementuar.

Kalimi i ligjit nga letra në jetën reale është një prej dobësive më të mëdha e sistematike të vendeve në tranzicion, ashtu siç cilësohet dhe RMV. Komisioni Europian e ka nxjerrë në pah këtë dobësi kronike në të gjitha progres raportet mbi vendin.

Për momentin, qytetarët janë ende në pritje që qeveria të implementojë rekomandimet e BE, të cilat me shumë  të ngjarë do i japin një dozë ajri më të pastër qytetarëve të Shkupit.

Lexoni gjithashtu

• Si ndikon ndotja e ajrit tek të prekurit me COVID-19? Fushata që sensibilizon institucionet dhe qytetarët
• Studimi: Dhjetëra mijëra vdekje të përvitshme nga ndotja e ajrit mund të ishin parandaluar
• Serbi, ndotja e ajrit dhe COVID-19 ndikojnë në sistemin e frymëmarrjes, qytetarët në protestë