Protesta e PD që ka nisur që prej orës 17:00 të pasdites së sotme është shoqëruar herë pa here me tensione dhe përplasje mes protestuesve dhe policisë.

Deputeti Agron Gjekmarkaj i cili protestonte në zonën e Pallatit me Shigjeta, në momentin e përplasjeve mes protestuesve dhe policisë, nuk është ndier mirë.

Ai u dërgua menjëherë për të marrë ndihmën e parë mjekësore në spitalin e Traumës. Burime nga ky spital bënë me dije për Euronews Albania se Gjekmarkaj është në gjendje të mirë shëndetësore, tensioni paraqitet normal dhe nuk ka probleme kardiake.

Ndërkohë kryetari i PD, Sali Berisha është nisur me urgjencë në spitalin e Traumës për të parë nga afër deputetin demokrat.

LEXONI GJITHASHTU:

• Nis me tensione protesta e opozitës, qytetari futet me makinë mes protestuesve
• VIDEO-LIVE| Nis me tensione protesta e PD, bllokohen 5 kryqëzime në Tiranë