Messi, në Tiranë? Haliti: Kemi aq kontakte, ja kush mund ta sjellë së shpejti

Artisti nga Argjentina, Maximiliano Bagnasco, prej disa ditësh ndodhet në Tiranë dhe po punon për një murale madhështore, jo vetëm nga madhësia por edhe për personazhin që përfaqëson.

Maximiliano po realizon portretin e Messit, futbollistit të talentuar argjentinas dhe për këtë murale janë zgjedhur konviktet  e fakultetit të Mjekësisë.

Në emisionin GoodMorning Albanians në Euronews Albania piktori Helidon Haliti tha se nuk është çudi që Messi mund të vijë në Tiranë të shohë muralen e tij.

“Jam i bindur që Messi mund të vijë një moment ta shohë muralen në Tiranë, ne shqiptarët dimë të bëjmë çudi. Kemi aq biznesmenë të fortë, kemi aq kontakte, ndoshta edhe Duka po ta marrë vesh. Jam i bindur që  mund ta mundësojmë. Duke qenë se është edhe viti i sportit dhe mendoj që kjo mund të ndodhë dhe nesër Maximiliano do ta shohë sa të mëdhenj jemi”, tha Haliti.

LEXONI GJITHASHTU:

• Argjentinasi që bëri muralen për Maradonën, sjell Messin në Tiranë
• Zbulohet e ardhmja e Messit, “kontrata e artë” sa dyfishi i Ronaldos