Ministri Arbjan Mazniku paraqitet në SPAK

Ministri i Shtetit për Pushtetin Vendor, Arbjan Mazniku, është paraqitur në Prokurorinë e Posaçme (SPAK).

Kujtojmë se Mazniku me herët ka mbajtur dhe postin e nën/kryetarit të Bashkise Tiranë.

Gazetari i Euronews Albania, Eni Ferhati, është shprehur se Mazniku është thirrur në SPAK për t’u pyetur si person në dijeni për dosjen 5 D.

Ai tha gjithashtu se në kohën që Mazniku ishte në SPAK, Këlliçi ka publikuar disa dokumenta para Prokurorisë së Posaçme, që sipas tij rëndojnë pozitën e ministrit.

“Mazniku pasi qëndroi për 3 orë në Prokurorinë e Posaçme, por nuk dha shpjegime për arsyet. Ai ka dhënë shpjegime, por pa bërë me dije se kush është çështja, për të cilën është nevojitur edhe dëshmia si person në dijeni e ministrit dhe ish-nënkryetarit të Bashkisë së Tiranës.

Bëhet me dije se ai është thirrur për dosjen e njohur si 5 D, ku disa drejtorë të Bashkisë së Tiranës janë nën akuzë për disa vepra penale. Mazniku ka qenë i vetëm, pa praninë e një avokati dhe është pyetur për disa procedura tenderimi.

Interesant ka qenë fakti se në kohën kur Mazniku pyetej në SPAK, para SPAK është paraqitur Belind Këlliçi i cili ka zbuluar disa dokumenta që sipas tij rëndojnë akuzat për Maznikun. Këlliçi tha se Mazniku ka firmosur shembjen e 18 pallateve me argumentin e dëmtimit nga tërmeti i 2019 dhe ndërtimin e këtyre pallateve nga kompania 5 D”, tha Ferhati.

LEXONI GJITHASHTU:

• Vlerësimi për Berishën, Mazniku: Më negativ se mendimi për gjithë partinë
• Rënia e popullaritetit të Veliajt, ja si e shpjegon Mazniku