Ministri Manja: Sot kallëzojmë Sali Berishën në SPAK për 21 janarin

Ministri i Drejtësisë, Ulsi Manja deklaroi se ditën e sotme, ish-kryeministri Sali Berisha do të kallëzohet në SPAK për 21 janarin.

Në një deklaratë për mediat, Manja u shpreh se gjithashtu do të kallëzohet ish-ministri i Brendshëm, Lulzim Basha dhe ish-komandanti i Gardës së Republikës, Ndrea Prendi.

Sipas tij, audiopërgjimi i dalë së fundmi, sipas së cilës Prendi jepte udhëzime dhe urdhra vartësve të tij, përbën një provë të re dhe i kërkoi SPAK-ut që të hetojë.

“Siç edhe e paralajmërova para dy ditësh, ne sot do të dorëzojmë në SPAK, kallëzimin penal për ish-zyrtarët e lartë të shtetit, në kohën kur ndodhën ngjarjet e 21 janarit 2011.Do të kallëzojmë në SPAK ish-kryeministrin, Sali Berisha, ish-ministrin e Brendshëm dhe ish-komandantin e Gardës së Republikës.

Por edhe të gjithë zinxhirin tjetër të Gardës së Republikës, që ka dalë pas publikimit të një prove të re në mediat e vendit. Është ora që Prokuroria e Posaçme të bëjë drejtësi për 21 janarin. 21 janari nuk është hetuar asnjëditë si vrasje shtetërore. Fakti i bërë publik para pak ditësh, tregon qartë se paska  pasur një zinxhir komandues dhe urdhërues për të qëlluar mbi protestuesit në 21 janar 2011”, theksoi ai.

LEXONI GJITHASHTU

• ‘Rama ma ka konfirmuar’, Ngjela: Më 21 janar, Berisha me automatik në dorë
• ‘Isha atje, e pashë që ata do vrisnin’, Spartak Ngjela tregon momente nga 21 janari
• ‘Serveri nuk fshihet’, Ngjela për 21 janarin: Rama po mbron Berishën