Ministrja e Arsimit apel prindërve për të kontrolluar përdorimin e internetit nga fëmijët

Ministrja e Arsimit, Evis Kushi duke marrë shkas nga një ngjarje e rëndë e ndodhur në Lushnjë, ku një 13-vjeçar krye vetëvrasje u ka bërë apel prindërve që të kufizojnë përdorimin e internetit nga fëmijët e mitur.

“Jam shumë e tronditur nga ngjarja e fundit e 13-vjeçarit në Lushnjë! Aksesi i fëmijëve në internet për një kohë të gjatë dhe në burime apo informacione të pakontrolluara dhe të parekomandueshme për moshën e tyre është një nga çështjet që unë kam ngritur vazhdimisht në takime të ndryshme”, shprehe znj. Kushi.

Rrethanat e ngjarjes së ndodhur në Lushnjë ende nuk dihen pasi policia ende po punon për hetimin e asaj që ka ndodhur. Paraprakisht mësohet se i mituri ishte përdorues i rregull i rrjeteve sociale, mes të cilave dhe Tik-Tok.

Sipas ministres së Arsimit, nevojitet një debat i gjerë publik për këtë emergjencë shoqërore dhe sipas znj. Kushi “jo vetëm shkollat dhe institucionet, por edhe familjet dhe çdo individ duhet të marrë sot përgjegjësinë për këto raste fatale”.

LEXONI GJITHASHTU:

• Çfarë duhet të kenë parasysh prindërit për përdorimin e TikTok-ut nga fëmijët