Miratohen komisionet hetimore, Çuçi: Emrat e anëtarëve vendosen javën e ardhshme

Ditën e sotme u mbajt mbledhja e Konferencës së Kryetarëve në Kuvendin e Shqipërisë, në të cilën u miratuan kërkesat për dy Komisionet Hetimore, të kërkuara nga opozita.

Pas mbledhjes kreu i grupit parlamentar të Partisë Socialiste, Bledi Çuçi foli për mediat ku tha se përveç ngritjes së dy komisioneve është rëndë dakord edhe për ngritjen e një platforme brenda komisionit të ligjeve për të krijuar një dialog politik për ligjet që kërkojnë tre të pestat e votave.

“Siç e dini ramë dakord për objektet e dy komisioneve hetimore, një për shërbimin në shëndetësi ku futet sterilizimi dhe check up dhe i dyti për mbrojtjen e të dhënave, pra komisioni për TIMS-in.

Gjithashtu ramë dakord që të mandatojmë komisionin e ligjeve për të ngritur një platformë brenda komisionit të ligjeve për të krijuar një dialog politik për ligjet që kërkojnë tre të pestat dhe për ato që janë pjesë e agjendës për integrimin europian. Emrat do të vendosen javën tjetër. Ne mandatuam sot komisionin e ligjit brenda të cilit do të ngrihet një grup pune, nuk është nënkomision”,-tha Bledi Çuçi.

LEXONI GJITHASHTU:

• Konferenca e Kryetarëve miraton kërkesat e opozitës për 2 Komisionet Hetimore
• Salianji kundër marrëveshjes Bardhi-Çuçi: Është e dëmshme dhe për PD