Mjeku Sallabanda apel portaleve: Më keni keqinterpretuar për divorcet

Mjeku shqiptar që jeton në Spanjë, neurokirurgu Kita Sallabanda, komentoi në një video-mesazh deklaratën e tij se 80 % e mjekeve janë të divorcuar”.

Mjeku tha për “Good morning Albanians” në Euronews Albania se komenti i tij është keqkuptuar dhe nxjerrë nga konteksti.

“Kam thënë që në spitalin ku unë bëja specializimin në Barcelonë, 80% e kolegëve ishin të divorcuar, por ky nuk është një fenomen spanjoll dhe ju lutem të gjithë portaleve apo agjencive të lajmeve t’i përmbahen intervistave që unë kam dhënë sepse nuk është e vërtetë që 80% e mjekëve në Spanjë janë të divorcuar dhe nuk është e vërtetë që unë kam bërë atë deklaratë. Vetëm kam folur mbi shkaqet e divorcit në fushën e mjekëve,” – u shpreh Sallabanda.

Ai shtoi gjithashtu se komenti i tij është bërë për të ilustruar një rast të shkëputur, si anekdotë, situatën në spitalin ku ai bënte specializimin në neurokirurgji.

LEXONI GJITHASHTU:

• “80% e kolegëve, të divorcuar” Mjeku: Shokun tim e la gruaja për trajnerin e sportit
• “Ishte rimishërim i babait tim”, gruaja i kërkon divorc burrit se e ndau nga macja