Moisiu tregon detaje nga takimi me Thaçin: Pse ishte i shqetësuar

Ish-presidenti Alfred Moisiu u shpreh në një intervistë për Euronews Albania se gjatë takimit me Hashim Thaçin në Hagë, ku i fundit ishte i shqetësuar për njollosjen e luftës së Kosovës.

“Po biseduam me Thaçin edhe për gjendjen shëndetësore dhe morale dhe si po ecin gjërat. Janë njerëz të vendosur për atë që donin të arrinin dhe e arritën. Shqetësimi i tyre është pse duhet të njolloset lufta e Kosovës”, u shpreh Moisiu.

Ish-presidenti tha se vizitoi Thaçin në Hagë për t’i treguar botës lufta e Kosovës ka qenë e drejtë, nuk mund të quhet luftë terroriste.

“Isha në 19 shtator në Hagë, ishim 3 ish-presidentët e Shqipërisë, Mejdani, Topi dhe ish-kryeministri Majko. Nga pala e tyre ishte Pacolli. Ne vajtëm atje për t’i përshëndetur ata dhe për t’i inkurajuar. Arsyeja pse vajtëm atje për t’i treguar që lufta e Kosovës ka qenë e drejtë, nuk mund të quhet luftë terroriste. Po të shikosh presidentin. Thaçi ishte në detyrë dha dorëheqjen dhe e arrestuan. Ai bëri një sakrificë, e bëri për të mbrojtur drejtësinë e luftë së Kosovës”, tha ai më tej.

LEXONI GJITHASHTU:

• Vodhën objekte kulti në Korçë, arrestohen 2 të dyshuar
• U kapën duke transportuar 9 emigrantë, arrestohen në Korçë dy të rinj
• Udhëtimet me charter, Rama: Do e dëgjoni përditë nga hienat se kam taksi që fluturon
• Balluku: ERE miraton çmimet, aplikimin e fashës e vendosim ne, presim shifrat