Një 21-vjeçare ka rënë në prangat e policisë, pasi aksidentoi një efektiv të policisë rrugore. Ngjarja ndodhi në afërsi të fshatit Ibë, ku e reja përplasi efektivin ndërsa ai po kryente procedurat e nevojshme për një aksident tjetër që kishte ndodhur në të njëjtën aks.
Gjatë shoqërimit të saj në komisariat dhe kryerjes së veprimeve hetimore, u konstatua se 21-vjeçarja ishte nën efektin e drogës në momentin e ngjarjes.
“Specialistët e Komisariatit të Policisë Rrugore arrestuan shtetasen S. Sh., 21 vjeçe, banuese në Elbasan. Më datë 14.11.2024, rreth orës 21:15, në fshatin Ibë, kjo shtetase, duke drejtuar automjetin, dyshohet të ketë qenë nën efektin e lëndëve narkotike, kur aksidentoi një punonjës të Komisariatit të Policisë Rrugore, i cili ishte duke kryer veprimet procedurale për një aksident tjetër,” thuhet në njoftimin e policisë.
Materialet proceduriale në ngarkim të saj i kaluan prokurorisë për veprime të mëtejshme.
LEXONI GJITHASHTU:
- Aksident i trefishtë në Librazhd, kamioni përplaset me dy automjete
- Efektivja e dehur në Korçë shkakton aksident, arrestohet nga kolegët
