Nënë Tereza i dërgoi një letër Enver Hoxhës, Blendi Fevziu zbulon mesazhin

Gazetari Blendi Fevziu, së fundmi në një intervistë për Euronews Albania foli për librin e tij “Enver Hoxha” që është përkthyer tashmë në 12 gjuhë të botës.

Ai zbuloi dhe mesazhin që Nënë Tereza i dërgoi Enver Hoxhës gjatë periudhës kur kishte të ëmën sëmurë.

Hoxha sipas Fevziut nuk e lejoi Nënë Terezën as të futej në Shqipëri, por as që të merrte nënën në Romë.

Gazetari tregoi se Gonxhe Bojaxhiu nuk arriti ta shohë të ëmën për së gjalli.

“Shokimi ka qenë sjellja e Enver Hoxhës me Nënë Terezën dhe klerin katolik. Historia e Nënë Terezës ka qenë një nga historitë më të dhimbshme që mund të lexosh në libër. Nënë Tereza ishte larguar nga Shkupi në moshën 18 vjeçare, familja e saj erdhi në Shqipëri. Një ditë e lajmëruan se nëna është shumë smurë dhe Nënë tereza i shkruajti një letër Enver Hoxhës.

Letra Hoxhës nuk i shkoi direkt po i shkoi nëpërmjet Ministrit të Jashtëm, i cili i tha ambasadorit shqiptar që ka një mesazh për Hoxhën që nëna e një murgeshe që quhet Gonxhe Bojaxhi të mund të shkojë në Romë për të takuar vajzën që se kishte parë prej 40 vjetësh. Por bën një gafë minustri i jashtëm francez dhe thotë se për këtë interesohet dhe Zhaklin Kenedi.

Gonxhe Bojaxhiut i erdhi përgjigja që ti nuk mund ta marrësh nënën, pati shumë ndërhyrje por ishte e pamundur. Në fund ajo i kërkoi vetëm një leje 5 ditore për të hyrë në Shqipëri për të parë nënën dhe përgjigja ishte se “kur ti e le nënën nuk e mendove se nuk do ta shihje”. Shqipëria ka shumë spitale të mira. Një ditë ajo merr një letër që ishte nga motra e saj, që nënë lokja ndërroi jetë dje dhe ndërroi me fotografinë tëndë në gjoks. Letra e fundit e saj ishte që Gonxhe ne nuk do shihemi më kurrë po unë të kam pasur në zemër çdo ditë të jetës time. Në vitin 1989 ajo erdhi dhe vizitoi shtëpinë ku kishte jetuar e ëma me motrën”- tha ai.

LEXONI GJITHASHTU: 

• “Enver Hoxha” përkthehet në 12 gjuhë, Fevziu tregon si nisi ideja e librit
• Krasniqi: Kurti, marrëveshje të fshehtë me Vuçiçin për largimin e barrikadave
• Myrto Uzuni magjeps Spanjën, disa ofera nga La Liga për shqiptarin