Neurokirurgu: Paraliza, një ndër rreziqet e operacionit për Parkinsonin

Parkinsoni është një çrregullim neurodegenerativ dhe prek kryesisht lëvizjen, por gjithashtu mund të sjellë ndryshime të tjera në trup dhe mendje.

Artur Xhumari, shefi i shërbimit të neurokirurgjisë në QSUT tha në emisionin GoodMorning Albanians në Euronews Albania se operacioni i të sëmurëve me parkinson është i vështirë dhe një ndër rreziqet e tij është paraliza.

Ai tregoi se ndërhyrja e fundit e parkinsonit në vendin tonë është bërë 10 vjet më parë pasi është një ndërhyrje shumë e shtrenjtë.

“Është një vendim multidisiplinar, pacientit i vendosen para përfitimet dhe humbjet nga kjo procedurë, ne mundohemi të kemi opinionin tonë si ekip pa i fshehur gjërat, kur kemi marrë vendimin që stimulimi i trurit është rruga e tanishme, e kemi marrë këtë vendim sikur të ishim në vendin e tij. DBS e fundit ka qenë para 10 vjetësh, është kosto e madhe pasi janë elektroda që futen në tru. DBS mund të shfaqë një paralizë, një çrregullim psikik”, tha mjeku.

LEXONI GJITHASHTU:

• Neurologia: Meshkujt, rrezik më të lartë për t’u prekur nga Parkinsoni
• Problemet me zorrët mund të jenë shenjë e hershme e sëmundjes së Parkinsonit