Neurologu: Nuk ka ilaç që e ndalon krizën e epilepsisë, as vaji i kanabisit

26 marsi është Dita Kombëtare e Ndërgjegjësimit për Epilepsinë, e njohur edhe si “Purple Day”. Kjo është një përpjekje bazë ndërkombëtare për të rritur ndërgjegjësimin rreth epilepsisë, një gjendje neurologjike që prek gati 50 milionë njerëz në mbarë botën.

Neurologu Altin Kuqo tha në emisionin GoodMorning Albanians në Euronews Albania se nuk ka asnjë ilaç që e ndalon krizën e epilepsisë, përfshirë mjekime të përfolura alternative si vaji i kanabisit.

“Epilepsia është një sëmundje e trurit, në krizë pacienti nuk ka medikament që e qetëson (as vaji i kanabisit). Kriza do bëjë punën e vet, është e provuar shkencërisht. Kriza zgjat disa minuta, jo gjysmë ore, nëse zgjat kaq gjatë është në fazë reanimacioni dhe duhet intubuar. Kur e shohim një pacient në krizë epileptike duhet vetëm të kujdesemi që të mos lëndohet, për faktin që të mos rrëzohet e të godasë kokën, të mos bjerë në rrugë e ta shtypë makina”, tha mjeku.

LEXONI GJITHASHTU:

• Mbi 50 mln njerëz vuajnë nga epilepsia, sot dita për ndërgjegjësimin
• Duhet t’i japim një objekt metali dikujt me epilepsi? Ja çfarë thotë mjeku?