Nga neglizhenca humbi jetën foshnja, Prokuroria e Tiranës merr të pandehura dy mjeke

Prokuroria e Tiranës ka marrë të pandehura dy mjeke obstetër-gjinekologe të maternitetit “Koço Gliozheni” pasi neglizhuan pacienten dhe gjendjen e saj të rënduar duke çuar në humbjen e jetës së foshnjes së saj. Mjeket E.K dhe I.M akuzohen për veprën penale “Neglizhencë në trajtimin mjekësor”.

Nga hetimet rezultoi se këto dy mjeke, kanë treguar sjellje të pakujdesshme dhe neglizhencë ndaj ndryshimeve shqetësuese në gjendjen e pacientes. Pavarësisht shqetësimeve të vazhdueshme të pacientes, mjeket nuk kanë reaguar duke mos bërë ekzaminime të detajuara shtesë.

Si pasojë e neglizhencës, pacientja lindi një foshnje prematur me probleme serioze shëndetësore. Foshnja fatkeqësisht nuk arriti të jetonte. Prokuroria shton se nuk ekziston asnjë dokument që të provojë se gjatë kësaj periudhe janë matur parametrat vitalë të pacientes, si tensioni apo pesha trupore.

LEXONI GJITHASHTU:

• EMRI/ Zbulohet arsenal i madh armësh e pajisjesh, arrestohet 34-vjeçari, 2 në kërkim
• Vrau babain në Durrës, dëshmia e djalit: Ishim duke ngrënë dhe m’u turr