Nis sot regjistrimi në universitete, faza përfundimtare mbyllet më 15 shtator

Nga sot të gjithë maturantët fituesit në një degë në universitetet publike dhe private, duhet të regjistrohen, në sekretaritë e shkollave.

“Procesi nuk ka ndryshuar, me 10 aplikime për një raund, I ndarë në 7 faza 48 orëve. Përmes portalit u-Albania ndjekin ecurinë. Aty ku del ngjyra jeshile d.m.th që jeni fitues në atë raund studimi dhe duhet të regjistrohet. Nga sot ka dalë edhe ngjyra e verë, për ata që kanë ftuar shumë degë, në momentin që regjistrohen kanë liruar vendet e tjera”, thotë Arjan Xhelaj, drejtor i rrjetit akademik shqiptar.

Xhelaj, i ftuar ne Euronews Now, tregoi dhe degët e preferuara për maturantët, që këtë vit janë ndryshe nga preferencat e viteve të kaluara.

“Ka një prirje për degët e inxhinierisë, shkencat ekzakte dhe teknologjisë së informacionit. Pastaj renditen degët mjekësore dhe më pas ekonomiku”, tha ai.

Të gjithë fituesit kanë 48 orë kohë për të bërë regjistrimin si dhe të ç’regjistrohen në rast se duan të presin raundin tjetër për një tjetër degë.