Nisin regjistrimet në Universitetin e Korçës, cilat janë degët më të kërkuara

Në Universitetin “Fan Noli” të Korçës kanë nisur regjistrimet e maturantëve në degët e ndryshme të studimit.

Programet teknologjike, ato të infermierisë dhe gjuhës angleze rezultojnë më të kërkuarat këtë vit, ndërsa programi i “Ekonomiks” mbetet ende pa kuota.

Sipas të dhënave të bëra publike nga drejtori i Kurrikulës, Artur Prifti, deri tani janë regjistruar rreth 300 maturantë, një numër i ngjashëm me atë të vitit të kaluar akademik.

Ai theksoi se krahas teknologjisë dhe infermierisë, interes të lartë ka edhe për programet e sporteve dhe të financës.

“Edhe këtë vit programet më të kërkuara janë ato të teknologjisë, sporteve, infermierisë, financës dhe gjuhës angleze,” u shpreh Prifti.

Sa i takon programit të Ekonomiks, këtë vit nuk janë kërkuar kuota për regjistrime, ndërkohë që në Fakultetin e Bujqësisë është prezantuar një program i riorganizuar për të tërhequr më shumë studentë.

Universiteti “Fan Noli” ofron 26 programe studimi, të ndara në ciklin “Bachelor” dhe programe dyvjeçare, në kuadër të katër fakulteteve që përfshin.

LEXONI GJITHASHTU:

• Ministri Peleshi dhe deputetja Zake kundër “shkrirjes” së Universitetit të Korçës
• Qëllohen me karrige e shkop bejzbolli, pamjet nga sherri i dhunshëm në Korçë