“Nuk merret me armë qeveria”, Ngjela: Berisha vuan nga një sëmundje e prapambetur

Avokati Spartak Ngjela gjatë një interviste për Euronews Albania tha se protesta e nesërme nuk do të trembë qeverinë.

Ai tha se nuk mund të përdoret dhunë apo armë, në një vend që është pjesë e NATO-s.

Ngjela hodhi akuza ndaj opozitës, ku tha se nuk ka një doktrinë.

“Shqiptarët kanë të drejtë të protestojnë por shqiptarët nuk janë ngritur. Ky është naiviteti histerik i politikës shqiptare. Pse nuk ngrihen shqiptarët? Fakti që nuk ngrihen ti çfarë kërkon?  Vetëm partitë komuniste janë ngritur për çmimet, duhet të ngrihet populli. Nuk e kupton dot Saliu, ka sëmundje të prapambetur. Nuk çohen shqiptarët zonjë, do çohen anëtarët e partisë. Protesta e nesërme nuk do të trembë qeverinë. Në  një vend të NATO-s nuk  bën do kryengritje. Nuk mund të përdoren armë. Këta nuk kuptojnë që nuk kanë vota. Nuk është protestë kombëtare. Këta nuk kanë një doktrinë”, u shpreh ai.

LEXONI GJITHASHTU:

• ‘Mjerë kush prek protestuesit’, thirrja e Berishës për policinë
• ‘Të japë sqarime për paratë ruse’, Berisha: Të gjithë në protestë, përveç Bashës
• Berisha fton qytetarët në protestë: Të largojmë anti-shqiptarin Rama nga pushteti