“Nuk rrëzohet pushteti me ish-spiunë” – Hasanaj debat me Çelën: Djali i Berishës…

Në mbledhjen e parë të rëndësishme pas dy vitesh dështim, komisioni i reformës zgjedhore zhvilloi te premten një mbledhje të cunguar me deputetë që iknin e vinin nga problemet me lidhjen online, me një opozitë në anën tjetër të përgjysmuar me përbërje që pak kush i njeh në publik dhe me debate te shumta.

Sidi Hasani, anëtar i këshillit kombëtar të PD dhe Gentian Çela nga Rithemelimi debatuan në Euronews Albania lidhur me situatën në të cilën gjendet sot PD, e reflektuar edhe në mungesën e konsensusit mes palëve.

Sipas Çelës, Bashës i intereson përçarja e PD, ndaj i shmanget zgjedhjeve siç bëri në zgjedhjet e fundit lokale ku nuk mori pjesë edhe pse kishte  vulën dhe fondet nga KQZ.

Për Hasanin, Basha është i vetmi lider politik që ka bërë ndarjen përfundimtare nga kokat e korrupsionit, që siç tha e kanë lënë Shqipërinë për 33 vjet si vendin më të varfër dhe të korruptuar në Evropë.

“Në sondazhin e Barometrit e djathta në Shqipëri është minorancë se nuk ka krijuar kurrë profilin e vet, se nëse me djemtë e spiunëve kërkon të rrëzosh djemtë e etërve të tjerë, fton në dasmën e djalit gjithë oligarkët dhe djali jot ka monopolin agroushqimor… Basha është i vetmi që është përballur me këta dhe s’i ka nxjerrë njëri asnjë dokument”, tha Hasanaj

LEXONI GJITHASHTU:

• Basha përshëndet qëndrimin e OSBE për Zgjedhoren: Palët të ndalin lojërat politike
• Berisha: Basha është peng në kthetrat e Edi Ramës, do përfundojë me turp