Osmani: Kërkesat e Vuçiç s’kanë rëndësi për Kosovën, janë vetëm retorikë

Kërkesat e presidentit serb, Aleksandër Vuçiç ndaj Kosovës s’kanë asnjë rëndësi për vendin, ka thënë presidentja e Kosovës, Vjosa Osmani.

Osmani akuzoi Vuçiç se po punon në prapaskenë për destabilizim të rajonit dhe rikthim në vitet ‘90. Sipas saj, në asnjë moment president serb nuk është i interesuar që serbët të kthehen në institucionet e Kosovës.

Megjithatë, Osmani tha se institucionet e Kosovës duhet të punojnë në lidhje që të gjithë qytetarët e nacionalitetit serb në Kosovë në përputhje me procedurat e ligjshme të jenë në të gjitha institucionet e Kosovës.

Në lidhje me dialogut me Serbinë, presidentja Osmani tha se ai nuk po zhvillohet në përputhje me parimin e barazisë.

LEXONI GJITHASHTU:

• Kërcënimet e Vuçiç, Ministri i Mbrojtjes së Kosovës: Ja kë do të mbajë nën presion
• Serbët nga Kosova për kërkesat dhe masat e Vuçiçit: Tradhti, mashtrim, besim