Pamje të rënda| Momenti kur të rinjtë rrahin për vdekje adoleshentin jetim

Detaje tronditëse janë mësuar nga vdekja e 18-vjeçarit nga Podujeva, Lulzim Fejzullahu.

I riu, u godit me makinë dhe u rrah brutalisht me shufra hekuri nga dy bashkëmoshatarë, pas një sherri për motive banale.

Siç shihet dhe nga pamjet e krimit të rëndë të publikuar nga mediat kosovare, i riu është goditur në mënyrë barbarë nga dy adoleshentët.

Autorët e ngjarjes së rëndë janë Eltion Kadriu 16 vjeç dhe Artiol Abdullahu 17 vjeç.

Sipas mediave të Kosovës, dy adoleshentët janë djem të dy biznesmenëve në Podujevë. Besim Kadriu babai, i 16-vjeçarit ka në pronësi një biznes makinash me qira, ndërsa Medin Abdullahu babai i 17-vjeçarit është pronar i një kompanie “security”.

Ndërkohë, viktima ishte jetim dhe nuk kishte as nënën e as babanë, por vetëm motrën. Ai ishte rritur që prej moshës 5-vjeçe nga xhaxhai.

Po ashtu mësohet se shkak për konfliktin është bërë radha për t’u qethur në një berberhane.

Ngjarja ndodhi mesditën e 14 janarit, në rrugën “Drenica” në Podujevë, ndërkohë që i riu ndërroi jetë më 20 janar si pasojë e plagëve të marra.