PAMJE/ Tregtarët në panik, zjarri shkrumbon tregun e Plazhit në Durrës

Tregtarë që përpiqen të shpëtojnë sa të munden nga malli i tyre dhe zjarrfikës që luftojnë me flakët, këto janë pamjet që vijnë nga tregu i Plazhit në Durrës.

Zjarri ka shkrumbuar një pjesë të madhe të bizneseve që operonin në këtë zonë, ndërsa forcat zjarrfikëse vijojnë ende punën për neutralizimin e flakëve.

Kujtojmë që zjarri i përmasave të mëdha shpërtheu në orët e pasdites të kësaj të diele në zonën e Plazhit, pranë tregut lokal.

Policia ka evakuuar banorët nga pallatet dhe hotelet përreth, për shkak të përhapjes së shpejtë të flakëve dhe rrezikut që paraqiste situata.

Në ndihmë të forcave zjarrfikëse të Durrësit janë angazhuar edhe zjarrfikësit nga Kamza, për të përballuar më lehtë vatrën e zjarrit dhe për të shmangur përhapjen në zona të tjera.

Flakët përpijnë gjithçka në Durrës, të rinjtë përpiqen të shpëtojnë makinën pic.twitter.com/lyJBTON6yd

— Euronews Albania (@EuronewsAlbania) June 29, 2025

LEXONI GJITHASHTU:

• VIDEO/ Zjarr i madh në Durrës, tregu i plazhit përfshihet nga flakët
• Kampionati i kitesurfingut në Durrës: Sporti i ri që po tërheq vendas dhe të huaj