“Paradoksi i Kurtit në Tetovë”, Grubi: Foli me opozitën për projektet e qeverisë

Zëvendës kryeministri i parë i Maqedonisë së  Veriut, Artan Grubi ishte i ftuar këtë të hënë në një intervistë për Euronews Albania.

Ndër të tjerat ai ka komentuar edhe vizitën e kryeministrit të kosovës Albin Kurti në Maqedoninë e Veriut. Ai tha se Kurti u takua me kryetarin e komunës, nga opozita, për të folur për një projekt I cili është tërësisht projekt i qeverisë maqedonase siç është rruga Tetovë-Prizren.

Grubi tha se ajo që ishte më absurde në takimin me kryekomunarin e Bilall Ksami, është se takimi I tyre u zhvillua në fshatin Vicë që nuk ka asnjë lidhje me rrugën.

“Absurdi më I madh ishte se kryetari I komunës së Tetovës e dërgoi kryeministrin e Kosovës, duke mos i thënë , për të diskutuar për rrugën Prizren-Tetovë dhe e çon sit ë themi në Shkodër e Tropojë, ndërkohë që rruga ndërtohet në Vlorë. U dërgua në një fshat që nuk ka të bëjë fare me ndërtimin e rrugës Tetovë-Prizren, por kjo është bërë nga injoranca duke mos ditur ku kalon rruga.

Se ku do të ndërtohet tuneli. Tuneli kapërcen vijën kufitare mes dy vendeve tona, ai është kryekëput projekt i qeverisë dhe komuna nuk ka asnjë kompetencë për këtë projekt. Besoj se zoti Kurti duhet ta kishte ditur ose nuk është informuar mjaftueshëm qoftë nga kabineti I tij qoftë nga kryetari I komunës së Tetovës”,-tha ai.

LEXONI GJITHASHTU:

• Kush “e pajtoi” Ramën dhe Kurtin? Zbulohet kryeministri që ndërhyri mes tyre
• Mbajti në skenë flamurin serb, nëna e Rita Orës i jep mesazh këngëtares…