Parashikimi i motit për javën: Kthehen rrebeshet e shiut, si do jenë temperaturat
Pas disa ditësh me diell dhe temperatura të larta, Shqipëria dhe rajoni përgatiten për kthimin e reshjeve të shiut dhe vranësirave kalimtare gjatë javës, sipas meteorologut Hakil Osmani.
Në një lidhje live për Euronews Albania, Osmani tha se rrebeshet e shiut priten fillimisht në zonat veriore dhe veriperëndimore, ndërsa fundjava do të sjellë mot të vranët dhe reshje lokale në pjesën më të madhe të vendit.
Sipas meteorologut fillimi i javës do të jetë me mot të qëndrueshëm dhe kthjellime, të paktën deri të mërkurën. Por në pjesën e dytë të javës, rritja e lagështisë dhe zhvillimi i vranësirave do të sjellë prezencë të reshjeve, më të dukshme në veri dhe veri-perëndim. Zonat juglindore do të preken më shumë gjatë fundjavës.
“Në pjesën e dytë të javës pritet zhvillim i vranësirave dhe një rritje e ndjeshme e lagështisë në ajër, çka do të sjellë prezencë të reshjeve, fillimisht në zonat veriore dhe veriperëndimore,” tha Osmani.
Sa i përket temperaturave, meteorologu tha se fillimi i javës do të sjellë rritje graduale të temperaturave.
“Në zonat malore, temperaturat deri të mërkurën do të arrijnë 14–15°C, maksimalet deri në 19°C. Në ultësirën perëndimore, temperaturat e mëngjesit do të shënojnë deri në 21°C, ndërsa përgjatë vijës bregdetare pritet që të luhaten nga 24°C deri në 32°C. Në orët e mesditës, maksimumet mund të arrijnë deri në 36°C në qytete si Tirana, Berati dhe Elbasani. Dita e enjte do të sjellë rënie të ndjeshme të temperaturave, kryesisht në mesditë, ndërsa nga e premtja parashikohet rritje sërish, me maksimale deri në 32–33°C”, tha Osmani.
Në rajon, temperaturat do të jenë në rritje në Kosovë dhe Maqedoninë e Veriut: të mërkurën në Kosovë priten deri në 33°C dhe në Maqedoninë e Veriut deri në 35°C, me mot të qëndrueshëm.
“E enjtja do të shoqërohet me vranësira dhe reshje në formën e rrebesheve, më të dukshme në Kosovë, ndërsa në Maqedoninë e Veriut reshjet do të jenë më të pakta. E premtja dhe fundjava do të karakterizohen nga vranësira të shpeshta, sidomos gjatë pasdites,” përfundoi Osmani.
Në 1 gusht luan në Serbi, Kampioni Denis Buzukja: Zemra gjëja kryesore në UFC, shqiptarët e kanë këtë
Aksident në aksin Elbasan–Peqin, plagoset drejtuesi i një automjeti, shkak parakalimi i gabuar
Fraksioni i “Toyota Yaris”, kalon për gjykim dosja ndaj ish-hetueses së BKH-së Eriona Daupaj
- 18:04 Samiti i “Accenture Greqi” në Tiranë: Si inteligjenca artificiale po transformon bizneset
- 18:03 Vinicius: Neymar është idhulli ynë, Ancelotti është më i madhi i të gjitha kohërave
- 17:58 Portugalia gati të dërgojë 50 ekipe shpëtimi në Venezuelë pas tërmetit të fuqishëm vdekjeprurës
- 17:36 Presidenca qipriote e BE-së mbështeti integrimin e Shqipërisë, Hoxha pritet nga krerët më të lartë të shtetit
- 17:20 Në 1 gusht luan në Serbi, Kampioni Denis Buzukja: Zemra gjëja kryesore në UFC, shqiptarët e kanë këtë
- 17:11 Kina kundërshton sanksionet e reja të SHBA-së ndaj Kubës