“Përfitojnë nga kriza”- Deputetja Çudiç: Cili është qëllimi final i Dodik në Bosnjë

Deputetja e Parlamentit të Bosnjë-Hercegovinës, Sabina Çudiç, është shprehur se kreu i Republikës Srpska, Milorad Dodik, ka si qëllim të bllokojë miratimin e disa pjesëve të legjislacionit, që shërbejnë për hapjen e negociatave të vendit me BE.

Komentet Çudiç i bëri në një intervistë në për “Balkan Talks” në Euronews Albania me gazetarin Franko Egro, ku tha se Dodik dhe qeveria politike e Republikës Srpska po përfitojnë nga kriza në vend dhe situata në Europë për t’ja arritur qëllimit të tyre.

Ajo tha gjithashtu se shumica e njerëzve në Bosnjë-Hercegovinë, rreth 70 %, duan integrimin e vendit në BE, por sipas saj, elitat politike të Republikës Srpska po bëhen pengesë.

“Për ta vënë këtë në kontekst, po flasim për elitat e Republikës Serpska që po mban peng jo vetëm qytetarë të Republikës Serpska, por do të thosha të gjithë Bosnjë-Hercegovinën. Kini parasysh që Bosnjë-Hercegovina ka një afat deri në mars të vitit 2024 për hapjen e bisedimet me BE-në, me kusht që ne të përmbushim disa kritere dhe të përshtatemi me disa ligje, janë gati dhe mund të përshtaten sa më shpejt.

Pengesa apo bllokada kryesore për miratimin e këtyre pjesëve të legjislacionit dhe sigurimin e rrugës së BE-së për Bosnjë-Hercegovinën është z. Dodik, dhe qeveria politike e Republikës Serpska. Pse? Sepse po përfitojnë nga kriza. Kjo është çështja me Bosnjë-Hercegovinën.

Por edhe rajoni më i gjerë, ka nga ata që pavarësisht pretendimeve dhe kërkesave të qytetarëve për t’iu bashkuar BE-së dhe rrugës drejt saj, po bëjnë gjithçka kundër kësaj.

Ju kujtoj që në Bosnjë-Hercegovinë, Republika Serpska dhe federata e Bosnjë-Hercegovinës, shumica e njerëzve duan rrugën drejt BE-së dhe duan të bëhen anëtarë të BE-së. Mbi 70% e qytetarëve të Bosnjë-Hercegovinës duan të bashkohen, ndërsa elitat politike, përkatësisht nga Republika Serpska, janë një pengesë e madhe”, tha Çudiç.

LEXONI GJITHASHTU:

• Dodik kërcënon Bosnjë Hercegovinën: Do ju djeg flamurin, mos e sillni këtu
• SHBA dënojnë incidentet në Bosnjë, paralajmërimi për Dodik