Një 30-vjeçar, i identifikuar si Donald Martinaj, është arrestuar në qytetin e Laçit për llogari të autoriteteve ligjzbatuese italiane.
Martinaj ishte shpallur në kërkim ndërkombëtar pasi akuzohet nga gjykata e Rimit për 3 vepra penale kundër personit dhe pronës
30-vjeçari akuzohet se në muajin korrik, 2023, ka përndjekur ish të dashurën, i ka djegur me benzinë automjetin, si dhe ka organizuar shtetas të tjerë që kanë dhunuar këtë shtetase dhe partnerin e saj.
Interpol Tirana po vijon punën me homologët në Itali për të bërë të mundur ekstradimin e 30-vjeçarit.
“Në kuadër të megaoperacionit “Sundimi i ligjit” dhe si rezultat i informacioneve të siguruara nga inteligjenca policore, Drejtoria e Forcës së Posaçme Operacionale, gjatë operacionit policor të koduar “Operacionalja 7”, kapi në Laç dhe arrestoi provizorisht, me qëllim ekstradimin në Itali, shtetasin shqiptar, të shpallur në kërkim ndërkombëtar D. M., 30 vjeç, i lindur në fshatin Gurëz, Kurbin.
Gjykata e Riminit, Itali, me vendimin e datës 25.08.2023, i ka caktuar këtij shtetasi, masën e sigurisë “Arrest në burg”, për veprat penale “Përndjekja”, “Kanosja” dhe “Shkatërrimi i pronës me zjarr”, pasi akuzohet se në muajin korrik, 2023, ka përndjekur ish të dashurën, i ka djegur me benzinë automjetin, si dhe ka organizuar shtetas të tjerë që kanë dhunuar këtë shtetase dhe partnerin e saj”, njofton policia.
LEXONI GJITHASHTU:
- Operacion anti-kanabis në Krujë, kapen bimë të mbjella dhe fidanë në kubikë
- I riu rreh xhaxhain, arrestohet nga policia. I gjenden granata e municione në banesë
