Piktorja që tjetërson Gjirokastrën: Dëshroj të jem emër i afirmuar i artit figurativ

Artistja e re Joana Labi ka improvizuar atelienë e saj në mjediset e zonës muzeale të Gjirokastrës.

Ajo pikturon plot dëshirë dhe pasion përgjatë rrugëve të kalldrëmta duke ekspozuar punimet artistike që tërheqin vëmendjen e banorëve dhe turistëve.

Joana shprehet se me pasionin për artet figurative ka spikatur që fëmijë dhe me kalimin e viteve është bërë pjesë e pandashme e jetës së saj

“Fillimet e këtij profesioni nisën qysh kur isha në shkollën 9-vjeçare me disa vizatime të thjeshta dhe një mësuesi im më spikati dhe zgjodha rrugën për të shkuar në Liceun Artistik dhe më pas vazhdova Akademinë e Arteve për punimet në qeramikë.” –tregon Joana.

Punimet e artistes së re janë nga më të larmishmet dhe plot motive tërheqëse.

Këtë verë ajo ja ka përkushtuar qytetit të lindjes duke punuar në zonën karakteristike. 

Artistja e re gjirokastrite dëshirën të realizojë ëndrrën e saj për të qenë një emër i afirmuar në artet figurative.

“Nëse njeriu është me pasion dhe e ka në shpirt gjënë e tij sado të vështira të jenë rrugët sërish të bën që të ecësh përpara dhe të vazhdosh ëndrrën tënde dhe pasionin tënd.” -tha artistja.

LEXONI GJITHASHTU:

• 5000 portretet e artistit dibran: Kam fjetur jashtë, por nga pasioni nuk hoqa dorë
• “When we see us”, muzeu zviceran shfaq piktura të njerëzve me ngjyrë në 100 vite