“Pini ujë esëll, hani vetëm 2 vakte” – Ja përfitimet sipas Ylli Gurrës…

Agjërimi me ndërprerje mund të ndihmojë njerëzit me diabet të hershëm të tipit 2 të përmirësojnë nivelet e sheqerit në gjak, të humbin peshë dhe të ulin presionin e gjakut, sipas një studimi të ri.

Ish-myftiu Ylli Gurra tha në emisionin GoodMorning Albanians në Euronews Albania se edhe jashtë agjërimit, pirja e ujit esëll është shumë e rekomandueshme për përfitimet e shëndetit.

Ai tha se veç agjërimit të Ramazanit, është edhe një tjetër agjërim, që bëhet 2 ditë në javë dhe ka efekte të dallueshme dhe shumë të mira në organizëm.

“Pirja e ujit, edhe jashtë agjërimit, esëll është e parapëlqyeshme për trupin, është shumë pozitive.  Agjërimi është e veçanta e shekullit, sidomos këto kohë ku obeziteti, pasiviteti, konsumimi i produkteve të pakontrolluara ka sjellë probleme. Edhe jashtë agjërimit, mjekët rekomandojnë 2 vakte dhe jo 3. Janë të mjaftueshme për të qëndruar në normalitet”, tha ish-myftiu.