EMRAT/ Plagosi me armë zjarri një person, arrestohet 51-vjeçari në Valias

13 Korrik 2025 | 10:49

Një ngjarje e rëndë është regjistruar në Valias, ku një 51-vjeçar ka plagosur me armë zjarri një 34-vjeçar, dyshohet nga pakujdesia.

Pas hetimeve të shpejta, Policia ka arritur të identifikojë dhe arrestojë autorin e dyshuar, Besnik Koçiu 51 vjeç, ndërsa ka vënë gjithashtu në pranga edhe 34-vjeçarin Franci Xhaferri i cili nuk ka bashkëpunuar plotësisht me autoritetet gjatë hetimeve.

Ngjarja ka ndodhur pasditen e djeshme, kur Franci Xhaferri ka paraqitur veten në spital për ndihmë mjekësore, duke dyshuar se ishte plagosur nga arma e zjarrit. Pas një hetimi të shpejtë, specialistët për Hetimin e Krimeve të Komisariatit të Policisë Nr. 5 kanë arritur të identifikojnë se 51-vjeçari ka qëlluar me armë në këmbë të dëmtuarin, i cili është jashtë rrezikut për jetën.

Përveç arrestimit të autorit të dyshuar, gjatë kontrollit të banesës së 51-vjeçarit, policia ka sekuestruar një pistoletë, e cila dyshohet të ketë qenë arma e përdorur për kryerjen e plagosjes.

Gjithashtu, hetimet e mëtejshme kanë zbuluar se shtetasi Franci Xhaferri ka penguar hetimin duke mos dhënë informacion të plotë mbi rrethanat dhe personin që dyshohej se ishte autori i plagosjes. Për këtë arsye, edhe ai është arrestuar dhe do të përballet me akuza për pengimin e zbardhjes së ngjarjes.

Operacioni vazhdon për sqarimin e plotë të rrethanave të ngjarjes dhe për të siguruar prova shtesë.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Vrasja e policit në Korçë, reagon Rama: Nderim përjetë dëshmorit të atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë.
09:31 | 04/06/2026

Policia del me njoftim zyrtar: Si u vra efektivi dhe u plagos kolegu i tij, detajet nga operacioni

Një punonjës policie ka humbur jetën dhe një tjetër ka mbetur i plagosur gjatë një operacioni policor në zonën e Lozhanit, në malin Boden, Bashkia...
09:08 | 04/06/2026