Plagosja e 36 vjeçarit në Durrës, gazetarja: Konflikti nisi 1 ditë më parë (Emrat)

Një 36-vjeçar nga Shijaku është plagosur me armë zjarri në këmbë mesditën e kësaj të premteje pranë subjektit tregtar në Xhafzotaj të Durrësit.

Arbër Hoxha, ka plagosur në këmbë shtetasin Enidor Dedja, punonjës i subjektit tregtar që shet aksesor automjesh. 30-vjeçari ka qëlluar me breshëri plumbash të cilat nuk kanë prekur vetëm 36-vjeçarin, por edhe një autobusë të parkuar në anë të rrugës.

Policia dyshon se kanë qenë dy armë të përdorura në shkëmbimin e zjarrit, por ende nuk është e qartë nëse ka pasur përdorim armësh nga të dyja anët.

Gazetarje e Euronews Albania, Kloida Gjuzi tha në një lidhje direkte se konflikti e ka pasur gjenezën më herët.

Sipas saj autori i dyshuar të ngjarjes ka pasur një konflikt mbrëmjen e djeshme me një nga vëllezërit Domi, ndërsa theksoi se nuk ka pasur dëshmitarë të tjerë veç atyre që janë shoqëruar në polici.

“Nuk ka pasur dëshmitar okular përveç atyre që janë të shoqëruar që janë dy vëllezërit Domi, pronar të subjektit tregtar dhe më pas do të merret në pyetje edhe i përfshiri kryesor, i plagosur. I plagosuri mendohet se nuk ka lidhje të drejtpërdrejtë me konfliktin, pasi ai është vetëm punonjës i subjektit dhe ka pasur komunikimin e parë me aturotin. Sipas burimeve jo zyrtare, i dyshuari ka pasur probleme me ligjin edhe më herët”,-tha Kloida Gjuzi.

LEXONI GJITHASHTU:

• E qëlloi me plumb në këmbë, detaje nga plagosja e 36-vjeçarit: Identifikohet autori
• Vrau 27-vjeçarin shqiptar në Londër, arrestohet autori i dyshuar (Emri)