Presidenti Begaj udhëton drejt Kosovës, i ftuar nderi për 25-vjetorin e çlirimit

Presidenti i Republikës së Shqipërisë, Bajram Begaj, u nis këtë të martë për në Kosovë, për të marrë pjesë në ceremonitë shtetërore me rastin e Ditës së Çlirimit të Kosovës.

Presidenca bën me dije se kreu i Shtetit është i ftuar nga tre autoritetet më të larta të Republikës së Kosovës.

Presidenti do të ketë takime të veçanta me Presidenten e Kosovës, Zonjën Osmani, Kryeministrin, Albin Kurti, si dhe Kryetarin e Kuvendit, Glauk Konjufca.

Kreu i Shtetit do të mbajë një fjalë në Kuvendin e Kosovës, në seancën solemne që do të mbahet të mërkurën, më 12 qershor, për 25-vjetorin e çlirimit.

“Më pas, Presidenti i Republikës së Shqipërisë, do të jetë i pranishëm në Parakalimin e Forcave të Sigurisë së Kosovës që do të zhvillohet në nder të Ditës së Çlirimit si edhe në pritjen shtetërore që organizohet me këtë rast”, njofton Presidenca.

LEXONI GJITHASHTU:

• “Rugova lider i pazakontë”, Rama në 25 vjetorin e çlirimit në Kosovë: Ati i lirisë
• 25 -vjetori i çlirimit, Tony Blair nga Kosova: Mirënjohje për ata që vdiqën për liri