Propozimi i operatorit turistik: T’i jepet bonus çdo turisti që vjen jashtë sezonit!

Fatos Çerenishti, operator turistik tha në një intervistë për Euronews Albania se shteti duhet të ndërhyjë përmes bonuseve për turoperatorët që sjellin turistë jashtë sezonit.

Kjo, sipas tij është mënyra e vetme për ta bërë turizmin në Shqipëri një industri gjithëvjetore.

“Çfarë duhet të bëjmë ne të gjithë bashkë për t’i bërë këta turistë të huaj që ta vizitojnë vendin tonë edhe në dimër? Në vendet e tjera të rajonit përdorin bonus për turistët që vijnë jashtë sezonit, nga fundi i shtatorit deri në  fund të prillit. Mund të ofrohet bonus sipas vendit nga vjen turisti, do jetë një nxitje këta turoperator për të sjellë turistë që të vizitojnë Shqipërinë. Ne e kemi kërkuar vazhdimisht nga Ministria e Turizmit, do të bëjnë që në Shqipëri industria e turizmit të jetë gjithëvjetore. Është e vetmja mënyrë për të nxitur turizmin dhe kjo bëhet vetëm nga shteti”, tha ai.

LEXONI GJITHASHTU:

• FMN: Rritja ekonomike 3.5%, turizmi garantoi zhvillimin
• Ekoturizmi në Gjirokastër, qyteti ofron resurse të veçanta