Protesta e opozitës, Boçi: U thye frika! Regjimi ka aparat dhune që pengon qytetarët

Ish-deputeti i Partisë Demokratike, Luçiano Boçi, është shprehur se protesta e opozitës ishte madhështore dhe vrau frikën e qytetarëve për të dalë në tubime.

Komentet Boçi i bëri në Euronews Albania, ku tha se qeveria ka aparat dhune për të penguar protestuesit të dalin në shesh.

Ai tha gjithashtu se nga protesta ra stigma e përhapur se opozita nuk ka mbështetje qytetare.

“Pavarësisht këtij suksesi, protesta ishte madhështore, nuk e shoh thjeshtë te numrat. Unë e shoh protestën te mesazhet që ajo shpërndan dhe përcjell. Së pari ra ajo stigma e përhapur rëndom për mospasjen e mbështetjes qytetare për opozitën.

Dje u dëshmua që kjo mbështetje ekziston. Ra stigma se mbështetja për partinë ekziston. U thye frika e daljes së qytetarëve në shesh. Ka pasur aparat dhune nga regjimi, për të penguar ardhjen e qytetarëve. Fillon nga strukturat shtetërore dhe vijon te patronazhistët.

Regjimi ka aparat dhune për të penguar ardhjen e qytetarëve. Është aparat dhune që nis nga strukturat shtetërore. Opozita ka besimin e qytetarëve, të cilët kanë besim te strukturat e partisë. Mos të bëjmë protestën e numrave, por ishte protesta më e madhe e bërë ndonjëherë”, tha Boçi.

LEXONI GJITHASHTU:

• Protesta/Avokati i Popullit: 11 të shoqëruar në polici, 1 prej tyre është dhunuar
• Bardhi pas protestës: Bashkimi i sotëm na jep kurajo për të forcuar opozitën