Kryeministri Edi Rama tha se nuk do të ketë asnjë incident ditën e samitit të 6 dhjetorit në Tiranë, ndërsa theksoi se perimetri i sigurisë për samitin nuk do të negociohet me askënd.

Në një komunikim me mediat në rrjetet sociale Rama, bëri me dije se samiti është organizuar prej kohësh dhe se janë marrë të gjitha masat nga Shqipëria dhe organizatorët europianë.

“S’besoj që do të kemi incidente. Samiti ka kohë që organizohet dhe përfshin shumë institucione. Perimetri i sigurisë të samiteve nuk negociohet. Nuk ndodh dhe nuk ka se si të bëhen protesta pro samiteve, por kundër. Por ato zhvillohen jashtë perimetrave të sigurisë në të gjitha rastet e vendet. S’e shoh si çështje midis PS, qeverisë dhe një pjese të ashtuquajturës opozitë. Njollosje, siguria e Samitit nuk negociohet me askënd”, tha Rama.

LEXONI GJITHASHTU:

• Rama: Serbia do jetë në samit, e kundërta do ishte katastrofë për Vuçiç
• “Tirana s’u zgjodh rastësisht”, Rama para samitit: Luajtëm rolin tonë që erdhëm këtu