Protesta e PD, Xhemollari: Mundësi shumë e mirë, Berisha nesër të dalë krah SPAK

Aktivisti i “Qëndresës Qytetare”, Rigels Xhemollari i ftuar në emisionin “Riview” nga Greta Topjana në Euronews Albania ka folur lidhur me protestën e PD-së që do të zhvillohet të hënën më 22 dhjetor. Xhemollari u shpreh se kreu i PD-së, Sali Berisha nesër në protestë duhet t’i dalë në krah SPAK-ut dhe ta mbrojë.

Sipas tij beteja kundër SPAK i ka kushtuar PD-së. Ai shtoi se kjo u pa në zgjedhjet e 11 majit pasi pati kosto elektorale pasi qytetarët mbështesin drejtësinë e re.

“Ka një mundësi shumë të mirë PD, që nesër të dalë krah SPAK. Nuk e di sesa zoti Berisha do ta bëjë këtë gjë. Të dalë e të mbështesë SPAK. Po e bën teknikisht te Këshilli i Mandateve, zoti Bardhi i cili ka premtuar që të hënën do të bëjë një kërkesë për ta ri mbledhur Këshillin e Mandateve. Por politikisht ende nuk e kemi parë.

Unë mendoj se një nga arsyet që ka dëmtuar PD është beteja me SPAK. Pse e them këtë, se të gjitha sondazhet që kemi parë edhe nga aktorë ndërkombëtarë, 75% besojnë të SPAK dhe të drejtësia e re.  Atëherë kur ata i besojnë drejtësisë së re, ti e quan organizatë kriminale dhe e sulmon dhe i bën protesta para zyrave sigurisht qe merr kosto elektorale, këtë e pamë në zgjedhje.

Të kundërtën bëri Rama. Ja arrestoi Veliajn dhe nuk e sulmoi SPAK, tha është fëmija im. Mori votat dhe tha tashmë këta duan të fusin thonjtë dhe të gërryejnë buxhetin e shtetit që të rritin rrogat e tyre. SPAK ne 3 vite ka sekuestruar 300 milionë euro të krimit të organizuar dhe korrupsionit politik. Ata kanë i sjellë buxhetit të shtetit 10 fish sa paga që marrin nga buxheti i shtetit. Paga që ata marrin e justifikon punën që ata bëjnë”, tha ai.

LEXONI GJITHASHTU:

• Ermal Hasimja për protestën e opozitës: Vendi në një situatë të ngjashme me Rumaninë
• “Do bëjmë grevë urie”, Çaushaj zbulon bisedën me deputetin Xhelal Mziu
• Politologia: Opozita mund ta përdorë protestën për të negociuar me qeverinë